Ministria e Punëve të Brendshme informoi se të premten do të shkatërrojë predha në Qendrën policore në Gjorçe Petrov.
“Ministria e Punëve të Brendshme i njofton qytetarët se më 14.11.2025 në orën 07:00 në rrethin e Qendrës policore në Gjorçe Petrov në Shkup do të shkatërrohen predha, për të cilat sipas analizës profesionale është konstatuar se nuk mund të transportohen jashtë qendrës policore”, kumtojnë nga Ministria.
Nga MPB theksojnë se predhat do të shkatërrohen sipas standardeve të parapara të sigurisë.