Трамп ја продолжи забраната за издавање зелени картони

ПОСЛЕДНИ ВЕСТИ

Администрацијата на американскиот претседател Доналд Трамп ја продолжи забраната за издавање зелени картони до крајот на годината, додека замрзна привремени визи, вклучително и оние што ги користат технолошките компании и мултинационалните корпорации.

Зелените картони нема да се издаваат надвор од САД до крајот на годината, така што ова е начин администрацијата да обезбеди доволен број работни места во време кога економијата се опоравува по кризата предизвикана од пандемијата на новиот коронавирус.

– Тие забрани ќе ослободат 525.000 работни места за Американците, изјави за американски медиуми висок функционер. Претходната одлука на Трамп со која се забранува издавање зелени картони надвор од САД траеше 60 дена и истекува в понеделник.

Администрацијата предлага нов начин за доделување визи H-1B, што треба да бидат ограничени на 85.000 годишно, а кои најмногу ги користат технолошките гиганти како компании како Aмазон,Мајкрософт и Епл, изјави официјалниот претставник.