Тајгер Вудс бил истовремено под дејство на пет видови дрога

Легендарниот голфер Тајгер Вудс имал пет различни видови дрога во организмот, кога во мај бил уапсен под сомнение дека возел пијан, потврди токсиколошкиот наод.

Вудс беше уапсен на 29 мај на Флорида, кога полицијата го пронајде како спие зад воланот, покрај патот, по што примерок од неговата урина беше испратен на анализа.

Резултатите покажале присуство на пет различни супстанци, меѓу кои силни лекови против болка, анксиозност и смирување, но и тетрахидроканабинол (ТХЦ), што се наоѓа во марихуаната.