Лидерот на ДПА Мендух Тачи, рече дека после изборите во првите 100 дена ќе предложат носење на закон со кој ќе бидат обврзани сите компании, акционерски друштва, меѓу кои Телеком и ЕВН да бидат вработени Албанци. Тој смета дека во моментов бројот на вработени Албанци е симболичен.
„На крајот од првите 100 дена – носење на посебен закон кој ќе го предложиме до Парламентот со кој ќе ги обврземе сите компании и приватни претпријатија, акционерските друштва – во странскиот капитал кој го инвестираат во Македонија, односно во нивните бизниси да го рефлектираат процентот од населението каде се врши инвестицијата, како во вработување, така и на раководните функции. Значи, Македонски Телеком, ЕВН и други инкасираат финансиски средства од Албанците, според моите проценки, над 50%, а бројот на вработените во Мобимак и ЕВН е симболичен – 2 или 3%, додека речиси воопшто и да не постојат раководни позиции. Некој ќе рече – која странска компанија ќе го прифати овој услов? За да ги привлечеме и да ги прифатат овие законски услови мора да им овозможиме олеснувања во даночниот систем, во закупниот систем, во цената на земјиште“, рече Тачи.