Се судрија две возила на булеварот „Александар Македонски“, пет лица пренесени во болница

На 16.03.2019 околу 23.50 часот на булевар „Александар Македонски“ во Скопје се случила сообраќајна незгода помеѓу патничко возило „Рено меган“ со скопски регистарски ознаки, управувано од А.М.Д.(22) од село Сопиште, скопско и патничко возило „Опел вектра“ со скопски регистарски ознаки, управувано од А.А.(22) од Скопје. Со повреди се здобиле двајцата возачи, како и Н.А.(19) од Скопје и И.А.(22) од Скопје, сопатници во возилото „Опел вектра“ и сопатничката во возилото „Рено меган“,  К.Л.(20) од Скопје.  Повредените од возилото „Опел Вектра“ со возила  на итна медицинска помош биле пренесени во комплексот клиники „Мајка Тереза“,  каде им била укажана лекарска помош. Додека, повредените од возилото „Рено Меган“ биле пренесени во градската општа болница „8-ми Септември“ каде им била укажана лекарска помош. Увид на местото извршила екипа од СВР Скопје.

©TV21.TV Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира!