Раб: Немав контакт со премиерот Џонсон

ПОСЛЕДНИ ВЕСТИ

Британскиот премиер Борис Џонсон немал никаков контакт со својот заменик, шефот на британската дипломатија Доминик Раб, откако тој ја извршува неговата премиерска функцијата, изјави денеска Раб и додаде дека има доволно моќ да ги донесе склучните одлуки во негово име и без него.

Запрашан на денешната прес конференција дали разговарал со Џонсон откако ја презел новата привремена функција, Раб кажа дека се уште не разговарале и дека мисли дека е важно, особено додека премиерот се наоѓа на интензивна нега, да му се овозможи да се фокусира на заздравувањето, пренесоа британските медиуми.