Новиот аеродром во Истанбул ќе чини 26 милијарди евра

Новиот аеродром во Турција, кој се наоѓа на 30 километри од Истанбул на европскиот дел, ќе чини 26 милијарди евра.

Аеродромот кој го доби епитетот „најголем во Светот“, вчера беше отворен од страна на турскиот претседател Реџеп Таип Ердоган, иако на него е завршена само првата фаза од изградбата.

Во неговото градење учествуваат 20 илјади луѓе, а се очекува да биде целосно готов до 2023 година.

Аеродромот ќе има шест писти, и ќе располага со капацитет од 500 авиони. Паркингот ќе може да опслужи преку 70.000 автомобили, а ќе биде изградено и метро кое ќе го поврзува Истанбул со терминалот. Ќе има и голем трговски комплекс со луксузни продавници и многу ресторани.

©TV21.TV Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира!