„Ако случајно по било кој основ ДИК добие правен акт со кој се одредува датум, дали уредбата која денеска не ја признава Деркоски, утре би ја признал и би ја сметал за важечка?“, запраша членот и поранешен претседател на Државната изборна комисија, Борис Кондарко.
Тој смета дека овој пристап е погрешен и дека претседателот на ДИК навлегува во некои работи кој не се негова лична надлежност, ниту пак надлежност на ДИК.
„ДИК е колективен орган, неосновано е на ваков начин да се поставуваат услови бидејќи претседателот е само прв меѓу еднаквите, во ваква ситуација не може да го претставува ставот на ДИК“, порача Кондарко во вестите на ТВ21.