Хан: Сега ви е целосно на дофат стратешката цел која некои ја сметаа за незамислива европска иднина

По изгласаните четирите уставни амандмани со кои ќе се промени уставното име на Република Македонија во Република Северна Македонија по стапување во сила на Договорот од Преспа, честитка пристигна и од Еврокомесарот за Проширување Јоханес Хан.

„Овој историски договор става крај на 27-годишен спор меѓу две земји. Исто така тој испраќа важна порака до целиот регион, дека долготрајните конфликти можат да се надминат со неопходна политичка храброст и со фокусираност на иднината наместо на минатото.

Затоа им честитам на политичките водачи на двете земји за нивната визија и решителност. Вам, граѓаните би сакал да ви го порачам следново: Сега ви е целосно на дофат стратешката цел која некои ја сметаа за незамислива европска иднина, со подобар квалитет на живот, повеќе стабилност и просперитет.

Договорот од Преспа ќе донесе конкретни придобивки за сите граѓани. Го трасира патот кон Европската Унија и отвора можност за прекугранична соработка со Грција и сите други соседи, што ќе доведе до економски раст.“