ДУИ тврди дека Собранието го прекинало пописот, Јанева вели, Aхмети и Груевски имале политички цели

https://www.youtube.com/watch?v=cQN73XYw7iY

ДУИ  поддржува  расчистување на сите случаи од страна на СЈО, вклучително и последниот случај покренат против претседателот на партијата, Али Ахмети.

Шефот на кабинетот и пратеник, Артан Груби рече дека тогаш и самиот тој бил член на комисијата задолжена за спроведување на  пописот, и дека одлуката за прекин на оваа статистичка операција ја донело Собранието, а пратениците гласале по нивна слободна волја.

„Станува збор за пописот од 2011 година кој што заврши со одлука на Собранието на РМ. Со усвојување на законот за прекинување на пописот, одлуката беше донесена во Собранието на РМ, а не во Владата. Владата достави предлог до Собранието, а целата постапка се водеше во Собрание со гласање по слободна волја на тогашниот парламентарен состав“, изјави Груби.

Но, така не мисли и специјалната обвинителка Катица Јанева. Во гостување во ТВ 24 таа вели дека поседува цврсти докази дека прекинувањето на пописот бил политички договор меѓу двајцата партиски лидери, Ахмети и Груевски. Таа воедно додава дека тие ги искористиле како своја продолжена рака пратениците кои што барале спречување на пописот со цел да се сведат на минимум политичките последици. Сепак, не биле сведени на минимум и трошоците од државниот буџет.

Обвинителката првите докази ги обезбедила кон крајот на 2016 година, а сега ги комплетирала. Јанева смета дека во моментов  нема потреба од мерки на претпазливост за Груевски и Ахмети.

Фуркан Салиу

Содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

ТВ21 АНКЕТА

Колку сте задоволни од услугите на лизинг компаниите?

View Results

Loading ... Loading ...

LEAVE A REPLY

Please enter your comment!
Please enter your name here