Не се знае до каде е анализата за ефикасноста на лекот за 20 годишната Фљора Гаши која страда од цистична фиброза. Од ФЗ велат дека не може да се одреди периодот кога може да се знае дали ќе се набави лекот ивакафтор за ретката болест на Фљора. По сторијата на ТВ21 се пријавија многу граѓани кои со свои финансии сакаат да и помогнат на девојката која дел од живоот го минува во болница. Лекот е скап и чини 400 долари за една таблета, а еден донатор е спремен да го купи лекот додека здравствените институции ги завршат потребните процедури. Инаку од Клиниката за детски болести, каде е хоспитализирана пациентката, ни кажаа за нејзината здравствена состојба и како ќе влијае лекот кај неа.
„Состојба на пациентката е подобрена и се планира во следните денови да биде пуштена на домашен третман. тој лек Ја подобрува функцијата на хлорниот канал кој е афункционален кај деца со ЦФ кај тие со таа мутација, обезбедува подобра ендокрина функција. На тој начин секретите во белите дробови се помалку густи и во значителна мера ги ублажува симптомите на болеста. Со тоа се успорува прогресијата на болеста со подобрување на белодробната функција, нутритивниот статус и квалитетот на живот на пациентите. Ефектот е брз и одржлив“, велат од Клиниката за детски болести.
Фљора Гаши уште кога имала три месеци страда од оваа ретка болест наречена Цистична фиброза која и го отежнува животот и секојдневието. Таа сега дише со капацитет од 19%. Има лек кој може да ја излечи оваа болест а кој го нема во РСМ, туку во Европа, под името Kalydeco ivacaftor. Фљора бара да и се обезбеди овој лек за да има нормален живот како сите нејзини врсници.