Димитров се прости од својата мајка: Да ти биде светол патот мајко моја јунак!

ПОСЛЕДНИ ВЕСТИ

На 80-годишна возраст почина Ратка Димитрова, пратеничка во првиот парламентарен состав, и мајка на министерот за надворешни работи Никола Димитров. Димитров со трогателна порака се прости од својата мајка.

„Беше полна со љубов, грижа и чиста енергија, Ратка, моторот на Димитрови. Ведрина, радост и бодрење, поткрепа даваше широкоградо, на толку многу луѓе.

Македонските маки ги доживуваше како да се нејзини лични. Го береше гајлето на нацијата. Блескаше што и да фатеше, од фамилијата, па животниот повик – музиката, до општото, каде имаше само идеали и една чудесна и чиста наивност, толку многу потребна во политиката денес. Синоќа, во последниот повик до татко ми, на крајот го прашала каков бил денот во Собрание.

Со чувство на бескрајна благодарност, исконска љубов, восхит и огромна тага, да ти биде светол патот мајко моја јунак! Се гордеам што сум твој син.“, напиша Димитров.

Беше полна со љубов, грижа и чиста енергија, Ратка, моторот на Димитрови. Ведрина, радост и бодрење, поткрепа даваше…

Posted by Nikola Dimitrov on Sunday, August 30, 2020