Работнички ќе тестира со Динамо Загреб, Сараево, Триглав и Домжале

21
0
АКЦИЈА

Експедицијата на ФК Работнички веќе втор ден е во базата Терме Чатеж во Словенија одработувајќи ја втората фаза од летните подготовки. Во овој период фокусот ќе биде ставен и на одигрување пријателски натпревари.

– Закажани се четири тестови со квалитетни ривали. На 23 јуни Работнички ќе одигра пријателски натпревар со хрватскиот шампион Динамо Загреб, два дена подоцна ќе следи со босанскиот клуб Сараево. На 28 јуни ривал ќе биде словенечкиот прволигаш Триглав, а серијата тестови во Словенија ќе заврши со Домжале, објавија „Романтичарите“ на својот официјален сајт.

Работнички на 1 јули се враќа во Македонија и ќе продолжи да се подготвува на домашно тло за дуелите против унгарскиот Хонвед, во првото коло од квалификациите во Лигата на Европа.