ПСЖ планира да го ангажира Венгер за спортски директор

25
0
АКЦИЈА

Пари Сен Жермен планира да го ангажира Арсен Венгер за спортски директор, по неговото заминување од Арсенал на крајот од сезоната.

Според францускиот весник „Л`Eкип“, раководството на парискиот клуб е подготвено веднаш да му понуди на Венгер да ја преземе функцијата, бидејќи сакаат тој да ја надгледува работата на тренерот Томас Тухел, кој ќе раководи со тимот на ПСЖ од следната сезона.

На овој начин ПСЖ ќе направи измени на двете клучни позиции во клубот, особено ако се земе предвид дека освен од тренерот Унаи Емери, раководството не е задоволно и од работата на спортскиот директор Антеро Енрике.

Единствен можен проблем за ПСЖ е платата на Венгер, бидејќи е извесно дека тој ќе бара поголема сума од 80 илјади евра месечно, колку што во моментов добива Енрике.

Арсен Венгер вчера соопшти дека по 22 години поминати на клупата на Арсенал, на крајот од сезоната ќе замине од лондонскиот клуб.