Џафери: Иванов ќе го прекрши Уставот ако не го потпише указот за Законот за јазиците

461
1
АКЦИЈА

Претедателот на Република Македонија Ѓорге Иванов ќе ги прекрши уставните одредби доколку не го потпише указот за прогласување на Законот за јазиците, изјави денеска претедателот на Собранието Талат Џафери, по синоќешната најава на шефот на државата дека нема да го потпише указот за овој закон.

Џафери не сакаше да коментира што во случај Иванов да не го потпише законот.

– Нема да коментирам што ќе биде ако биде. Членот 75 од Уставот на Република Македонија е јасен и по повторното гласање со мнозинство гласови од вкупниот број пратеници во Собранието, што е случај со законот, претседателот на Републиката е должен да го потпише указот за прогласување на законот. Во спротивно ги крши уставните одредби, изјави Џафери по денешните свечени изјави на новите членови на Судскиот совет во законодавниот дом.

Собранието вчера во тензична атмосфера со 64 гласа „за“, без против и воздржани по втор пат го донесе Законот за јазиците, без амандманска расправа. За Законот гласаа и пратениците од немнозинските заедници со 24 гласа.

Законот, кој првпат беше изгласан на 11 јануари, повторно се најде пред пратениците откако претседателот Иванов не го потпиша и го врати на повторно разгледување во Собранието.

Претседателот Иванов вчера изјави дека нема да стави потпис на указот за прогласување на повторно изгласаниот закон бидејќи тоа не му го дозволуваат совеста и Уставот.

1 коментар

  1. Kako lesno se povikuvaat na ustavot koga im odi vo prilog?! So koj obraz teroristu?! Koga chitase poezija i molcese bese tvoe pravo i spored zakon, sega istoto ne vazi. Cela javnost predlagase Venecijanskata Komisija da go odobri zakonot i toa ne vi odgavarase, na Ustaven da pomine pred da glasate i toa ne mozhe….i sega imas obraz da se povikuvas na Ustav?! Tebe te razbiram, Zaev ne go razbiram! A taman mislev deka zavrsivme so dpmne.

ОСТАВЕТЕ ОДГОВОР