Pasditen e sotme në autostradën Shkup-Tetovë, pranë fshatit Grupçin, ka shpërthyer zjarr në një kamion Renault me targa të Gostivarit.
Sipas informacioneve, kamioni është përfshirë nga flakët gjatë lëvizjes, ndërsa shoferi është lënduar dhe është dërguar në spital.
Në orën 20:00 u raportua se një kamion i drejtuar nga B.M. (32) ishte djegur pranë urës Dobarski . Shoferi i lënduar u transportua menjëherë me ambulancë në Spitalin Klinik të Tetovës, ka sqaruar Tomislav Naumovski, zëdhënësi i SPB Tetovë.
Falë reagimit të shpejtë të Departamentit Territorial të Zjarrfikësve të Tetovës, zjarri u shua. Pesë zjarrfikës ishin në vendin e ngjarjes me dy automjete – një automjet të specializuar për terrene të vështira dhe një kamion.
Komandanti i Departamentit të Zjarrfikësve të Tetovës, Avni Ameti, tha se ndërhyrja filloi menjëherë pas njoftimit në orën 19:55. Policia e Tetovës tashmë ka filluar një inspektim të vendit të ngjarjes për të përcaktuar se si filloi zjarri.