Në Maqedoninë e Veriut për momentin janë në dispozicion vetëm 5.000 vaksina, të destinuara për qytetarët të cilët duhet ta pranojnë dozën e parë të vaksinës.
Siç njoftoi ministri i Shëndetësisë, Venko Filipçe, gjatë kësaj jave pritet të arrijnë edhe 70 mijë vaksina, donacion nga Bullgaria dhe Greqia.
“Çdo të hënë arrijnë sasi të reja të “Pfizer”, kurse gjatë kësaj jave presim 50.000 vaksina nga Bullgaria dhe 20.000 nga Greqia, të cilat me shumë gjasë do të jetë ‘AstraZeneca’. Nuk kemi datë të saktë kur do të arrijnë 500.000 vaksina ‘Sinovak’, të cilat u paralajmëruan nga prodhuesi për në fillim të qershorit”, tha Filipçe në ngjarjen “Goditja vendimtare”./TV21