Dy shtyllat kryesore me të cilat në këto zgjedhje Partia Demokratike Shqiptare e kërkon votën, janë demokracia konsensuale dhe eliminimi i diskriminimit ekonomik, tregoi në emisionin Debat Zgjedhor në TV21 kandidatja e kësaj partie në zonën zgjedhore 6, Fatmire Isaku.
Duke folur për shtyllën e dytë, ajo tha se duhet të parandalohet diskriminimi ekonomik që u bëhet shqiptarëve.
“Ne konstatojmë se zhvillimi ekonomik është i pabalancuar mes shqiptarëve, maqedonasve dhe komuniteteve të tjera në Maqedoninë e Veriut. Këtë ne e ofrojmë që figurativisht të prezantohet nga zëvendëskryeminitri, që ne e kemi kandidatin tonë, kryetarin e partisë z.Menduh Thaçi dhe me këtë ne mendojmë të bëjmë përfaqësimmin e drejtë të shqiptarëve në sistem dhe vendimmarrje me parimin e konsensusit të plotë” tha Isaku në TV21.
Krejt kjo ka për qëllim që të parandalohet diskriminimi ekonomik ndaj shqiptarëve, theksoi ajo, duke shtuar se me zëvendëskryeministër shqiptar 30% e buxhetit do të alokohet për shqiptarët.
Veç kësaj, tha kandidatja Isaku, PDSH ka paraparë të bëjë reformim të tërësishëm të sistemit të shëndetësisë, sidomos në rajonin e Pollogut, me qëllim përmirësimin e kushteve./TV21