Me rastin e dy vjetorit të invazionit rus ndaj Ukrainës, sot në Kombet e Bashkuara në Nju Jork, u mbajt mbledhje plenare e Seancës së 78-të të Asamblesë së Përgjithshme, me temë: Situata në territoret e okupuara përkohësisht të Ukrainës.
Me këtë rast, ministri i Punëve të Jashtme të Maqedonisë së Veriut, Bujar Osmani është ndalë në disa pika:
“
Rusia të ndalojë këtë luftë të pakuptimtë dhe t’i tërheqë trupat e saj nga territori sovran i Ukrainës!
Doemos t’i themi jo Rusisë!
Drejtësia dhe përgjegjësia duhet të mbizotërojë.
Të bashkohemi në mbështetje të Ukrainës, jo vetëm për hir të viktimave dhe familjeve të tyre, por edhe si parakusht për të shmangur agresionet e mëtejshme dhe përdorimin e paprovokuar të forcës në marrëdhëniet ndërkombëtare”, shkroi Osmani në Facebook.