Dënim me dy ndeshje moslojë mori qendërmbrojtësi i Galatasarayt, Abdulkerim Bardakci. 

Këto dënime, Federata turke i ka dhënë të premten pas përleshjes që skuadrat patën të hënën pas derbit të Stambollit që u fitua nga Galatasaray, 2:1. 

Përleshja mes lojtarëve erdhi menjëherë pasi gjyqtari i dha fund ndeshjes. U desh edhe ndërhyrja e Policisë për ta qetësuar situatën. 

Gjyqtari i përjashtoi me të kuq Brownin dhe Bardakcin, ndërsa Roland Sallai i Galatasaray dhe Kerem Akturkoglu i Fenerbahçes u ndëshkuan me të verdhë. Galatasaray është dënuar me afro 38 mijë e 50 euro, ndërsa Fenerbahçe me afro 23 mijë euro. 

Galatasaray është kampion i katër edicioneve të fundit në Superligë. Prin në tabelë me 22 pikë pas nëntë xhirove. Fenerbahçe është në vendin e pestë me 16 pikë.

Lajmi u bë zyrtar të enjten, më 29 tetor, gjatë prezantimit të projektit të impiantit të ri, i cili do të zëvendësojë stadiumin legjendar “San Siro”, një prej simboleve më të njohura të futbollit italian.

arrëveshja për të drejtat e emërtimit, e njohur si naming rights, raportohet të kapë vlerën e rreth 650 milionë eurove për një periudhë 20-vjeçare, duke u renditur ndër marrëveshjet më të mëdha të këtij lloji në sportin botëror.

Stadiumi i ri do të ketë një kapacitet prej 71 500 spektatorësh dhe është projektuar nga studiot e njohura të arkitekturës Foster + Partners dhe MANICA. Projekti synon të ndërthurë arkitekturën moderne me atmosferën karakteristike të tribunave të “San Siros”.

Sipas planit të prezantuar nga dy klubet, impianti i ri pritet të jetë gati për sezonin 2031–2032, ndërsa punimet parashikohet të nisin në vitin 2028.

Kështu, Interi dhe Milani po përgatiten për një kapitull të ri në historinë e tyre, duke lënë pas gradualisht një stadium që për dekada ka qenë dëshmitar i ndeshjeve historike, rivalitetit të zjarrtë dhe emocioneve të miliona tifozëve.

Sipas gazetës Sport, argjentinasi nuk ka ndërmend të ndryshojë klub ose të kërkojë një transferim së shpejti.

Raportet e kanë lidhur atë me një rikthim në Argjentinë, megjithatë Messi mbetet i lidhur me marrëveshjen e tij në Florida.

Eksperti i transferimeve, Fabrizio Romano, e konfirmoi këtë, duke zbuluar se Messi as nuk po e shqyrton dhe as nuk po e peshon ndonjë ndryshim në klubin që do të përfaqësojë, qoftë në muajt e ardhshëm apo në planin afatgjatë.

Kjo i jep fund bisedave për një kalim te Newell’s Old Boys.

“Messi është i lumtur te Inter Miami, pavarësisht informacioneve të fundit që qarkullojnë rreth klubit të tij të parë në Argjentinë”, ka thënë Romano.

I sapokurorëzuar me Çmimin Princesha e Asturias për Sport për vitin 2026, Messi është plotësisht i përqendruar te Inter Miami. Romano shtoi se sulmuesi dhe familja e tij ndihen të vendosur dhe të lumtur në Shtetet e Bashkuara të Amerikës.

Kontrata aktuale e Messit është e vlefshme deri në vitin 2028 dhe ai synon ta respektojë atë dhe ta çojë deri në fund. Nuk ka bisedime me asnjë klub tjetër.

Romano gjithashtu refuzoi të përjashtonte një zgjatje përtej vitit 2028, megjithëse theksoi se është shumë herët për të vendosur. Gjithçka do të varet nga gjendja fizike e Messit.

Projektet e tij jashtë fushës po rriten gjithashtu. Messi ka themeluar Kupën Messi, një turne ndërkombëtar për të rinj që synon zbulimin e talenteve të reja. 

Ylli portugez ishte protagonist kryesor i kësaj fitoreje, duke realizuar tri gola në pjesën e dytë të ndeshjes, shkruan Arbresh.info.

Ronaldo fillimisht shënoi në minutën e 66-të, pas asistimit të João Félixit, për ta kaluar Al-Nassrin në epërsi prej 3-2.

Vetëm gjashtë minuta më vonë, në minutën e 72-të, portugezi realizoi sërish, përsëri pas asistimit të bashkëlojtarit të tij, João Félix.

Hattrickun e kompletoi në minutën e 81-të, kur shënoi golin e pestë të Al-Nassrit, pas asistimit të Sadio Manés.

Me këta tre gola, Ronaldo arrin në 985 gola në karrierën e tij, duke iu afruar gjithnjë e më shumë objektivit historik prej 1,000 golash zyrtarë.

Në moshën 41-vjeçare, ylli portugez vazhdon të jetë vendimtar për skuadrën saudite, ndërsa tashmë i nevojiten edhe 15 gola për ta prekur shifrën e jashtëzakonshme prej 1,000 golash në karrierë.

Në mesin e shumë gjërave negative, ai akuzohet se ka pështyrë një grua. 

I biri i tij, supertalenti i Barcelonës, Lamine, përfundoi i treti në ceremoninë e “Topit të Artë”, prapa Harry Kanet dhe Kylian Mbappes.

Megjithatë, ai e fitoi çmimin si “Talenti i Vitit”, për herën e tretë rresht. 

Një person i është afruar babait të tij, Mounirit, dhe i ka thënë “urime”. Mouniri nuk e ka pritur mirë këtë dhe ia ka goditur telefonin. Aty edhe përfundon incizimi. 

Disa mediume ndërkombëtare kanë shkruar edhe për skandalin që ai e ka bërë në aeroportin në Barcelonë, para ceremonisë.

Ai e kishte vendosur xhaketën në një vend që nuk lejohet në një kafe. Një grua i është afruar dhe i ka thënë që ta largojë atë pasi nuk lejohet. Mounir Nasraoui e ka injoruar kërkesën e saj dhe më pas ka eskaluar situata. Siç raportohet, ai i ka bërtitur gruas, e ka kërcënuar dhe më pas e ka pështyrë në fytyrë. 

Në vitin 2023, babai i Lamine Yamalit është dënuar për sulm dhe dëmtim prone.

Çmimin inaugurues u dha me vota të tifozëve, ndërsa prapa superyllit portugez mbeti superylli argjentinas, Lionel Messi. 

Ronaldos iu dha çmimi i veçantë për sezonin 2008, ku i realizoi 42 gola dhe e udhëhoqi Manchester Unitedin në atë kohë drejt titullit të Premier Leagues dhe trofeut të Championsit. 

Messi mbeti i dyti duke marrë më së shumti vota për sezonin 2012. 

Ronaldo është pesë herë fitues i “Topit të Artë”, ndërsa Messi ka tri më shumë. 

“Futbolli i takon tifozëve. Faleminderit gjithë tifozëve në gjithë botën. ‘Topi i Artë’ për lojtarin më të mirë në histori është çmim edhe për ju”, ka shkruar Ronaldo të enjten në llogarinë e tij në platformën “X”. 
Edhe Federata e Futbollit e Portugalisë e ka uruar Ronaldon për çmimin e fituar. 

Cerkin Mehmeti është shndërruar në një emër të njohur në mesin e futbollistëve profesionistë, veçanërisht atyre që luajnë për RB Leipzigun. Por, tashmë, shqiptari me prejardhje nga Kosova synon të dëshmojë talentin e tij edhe në një skenë tjetër ndërkombëtare, duke garuar për Gjermaninë në Kampionatin Botëror të Parukerisë, që mbahet në Paestum të Italisë.

“Jam jashtëzakonisht i lumtur që jam nominuar. Është një nder i madh për mua ta përfaqësoj Gjermaninë në skenën ndërkombëtare”, ka thënë Mehmeti për gazetën gjermane BILD.

Ai do të garojë në disiplinën “crop fade”, një teknikë e prerjes së flokëve që kërkon kalim të saktë dhe të njëtrajtshëm nga lëkura te flokët. Në këtë garë do të përballet me parukierë nga 25 vende të ndryshme, ndërsa synimi i tij është i qartë: të kthehet në shtëpi me titullin e kampionit të botës.

Një votë u kushtoi tifozëve 1 euro, ndërsa ata kishin të drejtë të votonin më shumë se një herë. 
Messi dhe Ronaldo dominuan me vota. 12 vendet e para u zunë pikërisht nga kjo dyshe.

Luiza tregoi se, pavarësisht dëshirës për të shijuar më shumë jetën jashtë pistës, adrenalina e garave dhe emocionet e arritjes së objektivave i kanë munguar.

“Kam bërë një shkëputje prej dy vitesh pas Lojërave Olimpike në Paris. Ndihesha shumë e lodhur psikologjikisht, më shumë e ngarkuar. U shkëputa sepse rezultatet po vinin në rënie. E kisha përgatitur veten që do të ndaloja pak kohë. Dua të shijoj ndoshta edhe disa gjëra, sepse vitet ikin. Koha kalon shumë shpejt, dhe ti e gjen veten duke vrapuar nga një objektiv te tjetri. Thosha me vete: “Kur do të ndalem?”. Vendos disa objektiva, ia arrin dhe thua: “Ta provoj veten edhe pak, të shoh deri ku i kam limitet”. Duket sikur nuk do të kishte fund. Doja të shijoja disa gjëra, por prapë pashë që nuk më përmbushin aq shumë sa adrenalina e pistës. Më është dashur shumë mund dhe sakrificë. Kur i arrin objektivat, përjeton disa emocione dhe thua: “Ja, ia dola!”. Dhe këto emocione më mungonin”, tha Luiza Gega në Vizion Plus.

Kampionia u ndal edhe te sakrificat që kërkon rikthimi në nivelet më të larta të atletikës, si dhe te përkushtimi i saj ndaj akademisë ku punon me fëmijët.

“E di shumë mirë që, po të synoj objektiva evropianë dhe botërorë, do të duhet një sakrificë shumë më e madhe. Do të më duhet të shkëputem, të largohem nga Shqipëria dhe të shpërngulem për këto stërvitje, në kampe stërvitore në lartësi mbi nivelin e detit. Unë prej 12 vitesh kam shkuar në Afrikë gjatë periudhës së dimrit, më pas në malet e Korçës, thjesht për të mbajtur këtë nivel shumë të lartë. Por nuk e di nëse jam gati për t’i bërë sërish këto sakrifica, sepse e kam të vështirë që tani të shkëputem edhe nga ajo që po mundohem të ndërtoj me fëmijët. Kam dy vite që i përkushtohem akademisë që kemi”, u shpreh Luiza Gega.

Ajo  foli gjithashtu edhe për dëshirën e madhe për t’u bërë nënë në të ardhmen.

“Doja të krijoja një jetë, pse jo, edhe më të lehtë, nëse do të kem fëmijë në të ardhmen. I dua shumë fëmijët, i adhuroj. Kjo është arsyeja pse kënaqem kur punoj me fëmijët. Më pëlqen që mundohem t’u jap diçka. Jo të gjithë do të bëhen kampionë, por do të mësojnë vetëbesimin, do të mësojnë të mos dorëzohen, pra të gjitha këto të mira që marrin nga sporti”, theksoi atletja.

Lajmi u bë publik më 26 tetor nga gazetari iranian Erfan Hoseiny, duke rritur pritshmëritë për një rikthim të mundshëm të sulmuesit kuqezi në ekipin kombëtar.

Asani vjen pas një paraqitjeje pozitive me Esteghlal, ku vetëm pak ditë më parë arriti të gjente rrugën e rrjetës në barazimin 1-1 ndaj Chadormalu.

Mungesa e tij në listat e grumbullimit për ndeshjet e shtatorit dhe tetorit kishte shkaktuar reagimin e vetë futbollistit. Tashmë, sipas raportimeve, ekziston mundësia që ai të jetë sërish pjesë e Shqipërisë në ndeshjet e nëntorit, në kuadër të Ligës së Kombeve.

Një rikthim i tillë do t’i jepte trajnerit Maran një alternativë shtesë në krahun e djathtë të sulmit, një repart ku Shqipëria ka hasur vështirësi në ndeshjet e fundit.

Në katër takimet e zhvilluara, lojtarët e aktivizuar në këtë pozicion nuk e kishin krahun e djathtë si rol të tyre natyral. Ndërkohë, Sabah Kerjota ishte i vetmi sulmues i djathtë në listën e grumbullimit, por nuk u aktivizua në asnjërën prej ndeshjeve.

Për momentin, rikthimi i Asanit mbetet një mundësi e raportuar nga mediat iraniane dhe pritet të shihet nëse emri i tij do të jetë pjesë e listës së ardhshme të Kombëtares shqiptare.