Aktorja ka ndarë një moment nga brenda një veture, teksa shihet duke lëvizur në rrugët e kryeqytetit të Kosovës. Por, përtej pamjeve të zakonshme, vëmendjen e ndjekësve e ka tërhequr dora e një personi që shfaqet në video.

Sipas detajeve të vërejtura, tatuazhi në dorën e tij ngjan me atë të këngëtarit Butrint Imeri, duke nxitur dyshimet se personi në fjalë mund të jetë pikërisht ai.

Kureshtjen e shton edhe fakti se Su Burcu dhe Butrinti kanë disa ditë që kanë filluar të ndjekin njëri-tjetrin në Instagram.

Kujtojmë se emrat e dyshes janë përfolur edhe më herët për një romancë të mundshme, por deri më tani as aktorja dhe as këngëtari nuk kanë bërë ndonjë reagim apo konfirmim publik lidhur me këto aludime.

Roboti u prezantua në panairin ndërkombëtar “ENERGO TEHNOMA 2026”, i cili mbahet nga 29 deri më 31 tetor në arenën “Boris Trajkovski” në Shkup. Vizitorët kanë mundësi të njihen nga afër me robotët humanoidë, aftësitë e tyre dhe arritjet më të fundit në fushën e robotikës dhe automatizimit.

Pas prezantimit të tyre qëndron kompania sllovene e teknologjisë Hiproject, e cila merret me zhvillimin dhe zbatimin e robotikës humanoide në industri të ndryshme.

Sot, NEO është parë edhe në rrugët e Shkupit, ku prania e tij është kthyer në një atraksion për qytetarët, duke dëshmuar se teknologjia që deri vonë dukej si pjesë e filmave fantastiko-shkencorë, gjithnjë e më shumë po bëhet pjesë e përditshmërisë.

Ngjarja ndodhi në zonën Ávila Camacho, në qytetin Torreón. Pamjet që po qarkullojnë në rrjetet sociale tregojnë shportën me foshnjën mbi çatinë e makinës, ndërsa automjeti është në lëvizje. Një motoçiklist, i cili ishte dëshmitar i situatës, nisi t’i binte borisë dhe të bërtiste për të tërhequr vëmendjen e shoferit dhe për ta paralajmëruar që të ndalonte. Megjithatë, burri duket se nuk i dëgjon thirrjet dhe vijon udhëtimin.

Në episodin e fundit të reality show-t “The Kardashians”, të transmetuar sot, më 29 tetor, ylli televiziv rrëfeu shqetësimin e saj për gjendjen shëndetësore, veçanërisht për shkak të historisë familjare me kancerin.

“Kam vizituar disa mjekë dhe kohët e fundit e kam shumë në mendje këtë çështje”, u shpreh ajo, duke pranuar se situata e prek edhe emocionalisht.

“Nuk ua kam treguar shumë njerëzve, sepse mendoj se është diçka që më prek shumë personalisht dhe vërtet nuk dua të shkoj deri aty. Meqë babai im vdiq nga kanceri i ezofagut, shpresoj vetëm të mund të marr ilaçe dhe që kjo të kalojë”.

Babai i saj, Robert Kardashian, ndërroi jetë në vitin 2003, në moshën 59-vjeçare, si pasojë e kancerit të ezofagut.

Në pamjet paraprake të episodit të ardhshëm, Kim shfaqet në spital, ku shpjegon se mjekët i kanë rekomanduar heqjen e anomalive të zbuluara.

“Mjeku thotë se ezofagu im ka këto anomali dhe se duhet t’i heq. Është e njëjta gjë që kishte edhe babai im”, dëgjohet të thotë ajo. Në një moment tjetër, nëna e saj, Kris Jenner, shfaqet pranë saj duke u përpjekur ta qetësojë.

Nuk është hera e parë që problemet shëndetësore të Kim Kardashian bëhen pjesë e reality show-t. Në një episod të transmetuar në nëntor të vitit 2025, ajo zbuloi se mjekët i kishin diagnostikuar një aneurizëm në tru. Kardashian pretendoi se kjo gjendje ishte shkaktuar nga stresi i fortë që kishte përjetuar gjatë divorcit nga Kanye West.

Përveç karrierës së suksesshme muzikore, Dua Lipa njihet edhe për pasionin e saj ndaj librave. Ajo drejton klubin e leximit Service95, përmes të cilit rekomandon vepra letrare dhe zhvillon biseda e intervista me shkrimtarë të njohur.

Përmes këtij projekti, këngëtarja promovon letërsinë dhe krijon hapësirë për diskutime rreth librave dhe autorëve, duke dëshmuar se angazhimi i saj shtrihet përtej muzikës.

Pjesëmarrja në Festivalin e Letërsisë në Londër është një tjetër dëshmi e interesimit të saj për botën e librave dhe e ndikimit që artistët mund të kenë në nxitjen e leximit, duke afruar një publik më të gjerë me krijimtarinë letrare.

Aktorja, e cila është e martuar me Umut Evirgen, tregoi se shtatzënia po i kalon mjaft lehtë dhe se gjatë kësaj kohe po shfrytëzon mundësinë për të shijuar aktivitete të ndryshme, si shkuarja në kinema e teatër, si dhe shikimi i dokumentarëve.

E pyetur se cilat tipare do të dëshironte që vajza e saj të trashëgonte nga babai, Alina u shpreh se do të dëshironte që ajo të kishte përkushtimin në punë dhe aftësinë për të marrë vendime të shpejta e të sakta.

Ndërkohë, edhe bashkëshorti i saj, Umut Evirgen, nuk i kurseu komplimentet për aktoren. Ai u shpreh me humor se dëshiron që vajza t’i ngjajë sa më shumë nënës së saj, duke shtuar: “Le t’i ngjajë 100 për qind nënës së saj. Bukurinë ta marrë prej saj Të mos jetë e errët si unë!”

Deklarata e tij u prit si një kompliment për Alinën, ndërsa çifti duket se po e pret me padurim ardhjen në jetë të vajzës së tyre të parë.

Në një studim të kryer në Kanada, ku u analizuan rreth 9 mijë persona të moshës 35 deri në 69 vjeç, studiuesit nga Universiteti McMaster dhe Instituti i Kërkimeve të Shëndetit të Popullsisë zbuluan se personat që konsumonin më shumë ushqime ultra të përpunuara kishin 40 për qind më shumë gjasa të shfaqnin shenja të një dëmtimi të trurit të njohur si sulm i heshtur në tru.

Ky lloj sulmi mund të mos shkaktojë simptoma të dukshme, por mund të lërë dëmtime të përhershme në tru dhe të lidhet me rrezik më të lartë për sulme të ardhshme në tru dhe probleme me kujtesën.

“Gjetjet më befasuan, të them të drejtën”, ka thënë Russell de Souza, profesor i asociuar në Universitetin McMaster dhe studiues në këtë fushë.

Sipas studiuesve, ushqimet ultra të përpunuara përbënin mesatarisht rreth 25 për qind të dietës së pjesëmarrësve, ndërsa te disa persona kjo përqindje arrinte deri në 40 për qind.

Studiuesja Sonia Anand ka theksuar se lidhja mes ushqyerjes dhe shëndetit të trurit mund të vërehet përpara se njerëzit të përjetojnë probleme të dukshme me kujtesën apo të menduarit.

“Gjetjet tona sugjerojnë se ndikimi i ushqyerjes në shëndetin e trurit mund të zbulohet përpara shfaqjes së problemeve të dukshme me kujtesën ose të menduarit”, u shpreh ajo.

Megjithatë, sipas studiuesve nevojiten kërkime të mëtejshme për të kuptuar më mirë këtë lidhje. Studimi tregon një lidhje mes konsumit të lartë të ushqimeve ultra të përpunuara dhe dëmtimit të trurit, por nuk provon se këto ushqime janë shkaku i drejtpërdrejtë i dëmtimit.

Të veshur me elegancë, të dy kanë tërhequr vëmendjen me paraqitjen e tyre gjatë pjesëmarrjes në një dasmë.

Fotografitë e publikuara në rrjetet sociale kanë marrë reagime nga ndjekësit, të cilët kanë vlerësuar paraqitjen e çiftit.

View this post on Instagram

A post shared by Adrian Gaxha (@adriangaxha)

“Elon Musk është një gjeni industrial. Në orbitë ka më shumë se 5.000 satelitë. Jemi në kontakt të ngushtë me partnerët tanë amerikanë, përfshirë edhe zotin Musk”, tha Putin gjatë vizitës në një ekspozitë në kuadër të samitit “Rusia – Afrika”.

Ai theksoi se Rusia dhe SHBA-ja bashkëpunojnë në fushën e hapësirës, pasi vendosja e satelitëve në orbitë kërkon rregull dhe disiplinë.

Putin foli edhe për sistemin satelitor rus “Rassvet”, i ngjashëm me “Starlink”, duke thënë se ai është ende në fazat e para të zhvillimit. Sipas tij, sistemi ka cilësi të lartë, por Rusia duhet të vendosë më shumë satelitë në orbitë. Aktualisht, në orbitë ndodhen rreth 30 satelitë të këtij sistemi.

“Është vetëm hapi ynë i parë, por jemi krenarë që e kemi nisur këtë punë në mënyrë të pavarur. Tani është e rëndësishme të kalojmë nga cilësia te sasia”, deklaroi Putin.

Sekretari i shtetit për dixhitalizimin, Alexander Pröll, ka prezantuar një propozim me tri faza për rregullimin e kësaj teknologjie, e cila mund të përfshijë kamera, mikrofonë dhe funksione të inteligjencës artificiale.

Sipas transmetuesit publik austriak ORF, propozimi parasheh kufizime të posaçme për regjistrimin e pamjeve dhe audios, veçanërisht në ambiente të ndjeshme.

Regjistrimet pritet të ndalohen në shkolla, kopshte, dhoma zhveshjeje, tualete, gjykata, burgje, si dhe në objekte policore dhe ushtarake.

Ndërsa në hapësirat publike, regjistrimi duhet të jetë qartësisht i dukshëm për personat e tjerë.

Hetimi parlamentar do të përfshijë ekspertë të teknologjisë dhe mbrojtjes së të dhënave, si dhe përfaqësues të grupeve që mund të preken nga përdorimi i këtyre pajisjeve.

Megjithatë, Austria nuk synon ndalimin e plotë të syzeve inteligjente, por vendosjen e rregullave që mundësojnë zhvillimin teknologjik pa cenuar privatësinë e qytetarëve.