Besa Llugiqi mes artistëve më të mirë të botës

“International Hans Gabor Belvedere Competition” ka zgjedhur 174 artistët më të mirë që do të performojë në Amsterdam në kuadër të edicionit të 34-të prej 3000 që kanë garuar për të qenë pjesë e tij.
“Traviata” dhe “Ernani” të kompozitorit Verdi, “Rusalka” nga Dvorak, “Lisa” e Tchaikovskyt dhe “Ana Bolena” e Donizzetit, janë veprat të cilat Llugiqi do t’i interpretojë më 29 ose 30 qershor, varësisht si e caktojnë organizatorët e garës.
Besa Llugiqi është një ndër sopranot më të suksesshme nga Kosova. Është soliste e Korit të Filarmonisë Opera e Kosovës. Në vitin 2009 ajo mori çmimin e parë në garat ndërkombëtare “Jorgjia Truja” në Shqipëri. Po atë vit ishte finaliste e festivalit të vokalit “Marie Kraja” dhe prej aty u ftua të jetë pjesë e “Academy La Scala”, në të cilën mbajti masterklase me artistë të njohur nga Italia, Gjermania, Holanda etj.
Audicionet e këtij konkursi janë mbajtur në 59 qendra të ndryshme të botës.