PENIANI FALËNDERON KORENË E JUGUT PËR MIKPRITJE, MIKPRITJA E SEULIT, NXITJE PËR DIALOG MES DY KOREVE

378
0
SHPËRNDAJE

Udhëheqësi i Koresë së Veriut, Kim Jong Un, ka lavdëruar mikpritjen të cilën Koreja e Jugut ja ofroi motrës së tij, Kim Jo Xhong, raportuan mediat koreane.

Ai tha se është me rëndësi që të shfrytëzohet nxitja, të cilën po ja ofrojnë Lojërat Olimpike dialogut në Gadishullin e ndarë të Koresë.

“Falënderimi i Koresë së Jugut për shkak të pranisë së delegacionit të Koresë së Veriut dhe mikpritja që i është ofruar delegacionit tonë janë mbresëlënëse. Jemi falënderues për mundin e tyre të sinqertë”, tha Kim.

Kim Jo Xhong ishte pjesë e delegacionit të Koresë së Veriut, i cili mori pjesë në Lojërat Dimërore Olimpike në Pjongçang dhe gjatë vizitës në Korenë e Jugut, ajo i dorëzoi ftesën për vizitë në Penian presidentit jug-korean, Mun Xhe in.

Mun nuk pranoi menjëherë ftesën për të vizituar Penianin, duke theksuar se për këtë vizitë duhet të krijohen kushtet e nevojshme.

 

S'KA KOMENTE

PËRGJIGJU