Ndalesë për kamionë në rrugën Mavrovë – Dibër

TË FUNDIT

Komunikacioni në rrugët shtetërore po zhvillohet pa pengesa nëpër rrugë kryesisht të thata. Reshje të borës ka në Mavrovë dhe në vendkalimet malore Strazhë, Bukovë dhe Gjavatë. Nga ora 07:00 për shkak të reshjeve të dëborës është vendosur ndalesë për qarkullimin e automjeteve të rënda transportuese në aksin rrugor Mavrovë – Dibër, kumtoi Lidhja Automote e Maqedonisë.

Që atje përkujtojnë me obligimin ligjor për posedimin e detyrueshëm të pajisjes dimërore në automjete.

LAMM rekomandon shpejtësi të adaptuar, respektimin e sinjaleve të përcaktuara të komunikacionit e veçanërisht drejtim të automjetit me kujdes, posaçërisht në rrugët nëpër gryka, ku ekziston mundësia e rrëshqitjes së dheut. Kjo vlen veçanërisht për pjesët rrugore Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.