ZBULOHET ILAÇI FALS NË BARNATORE, PROKURORIA NIS HETIMET

891
0
SHPËRNDAJE

Inspektorati i agjencisë së barnave ka gjetur 28 paketime të barnave false. Nga kjo agjenci nuk  bënë të ditur se çfarë lloji ilaçi bëhet fjalë, pasi që siç tha drejtori i kësaj agjencie, Robert Bekirovski, për rastin në fjalë  është ngritur padi në prokororinë themelore,  dhe për shkak të hetimit nuk mund të zbardhin më shumë detaje. Bekirovski njoftoi gjithashtu se me ndryshimet ligjore që janë dorëzuar në Kuvend, do të forcohet kontrolli i importit paralel të barnave, ndërsa do të forcohet edhe inspektimi i barnave, sidomos kur bëhet fjalë për insulinën, për të cilën në të kaluarën ka pasur dyshime.

 “Ne morëm aktivitete për t’u përballur me barnat e falsifikuara. Ato janë problem në të gjitha sistemet shëndetësore. Shërbimet e inspektimit zbuluan paketime të një ilaçi. Për këto barna, më vonë, në laboratorë të akredituar u dëshmua se janë të falsifikuara dhe nuk u lëshuan për shitje, ndërsa është parashtruar edhe padi në Prokurori. Në interes të procedurës nuk mund të zbuloj më shumë detaje rreth asaj se për cilin ilaç bëhet fjalë”, u shpreh  Robert Bekirovski, drejtori i agjencisë së barnave.

S'KA KOMENTE

PËRGJIGJU