ËSHTË PARALIZUAR TRAFIKU HEKURUDHOR, SË PARI PAGAT PASTAJ STARTIM TË TRENAVE

566
0
SHPËRNDAJE

Nga mëngjesi tërësisht është paralizuar trafiku hekurudhorë. Drejtuesit e trenave  i kanë lëshuar vendet e punës dhe nuk do të kthehen deri sa ta marrin pjesën e dytë të pagës së tetorit. Nëse deri më datën 25 të këtij muaji nuk e marrin edhe pagën e nëntorit, ata përsëri do ta bllokojnë trafikun hekurudhor. Përveç pjesës financiare, personeli maqinerik  i HM Transport, u ankua edhe për kushtet e këqija në të cilat po punojnë tashmë disa dekada.

“Pa para nuk shkohet në rrugë. Në mënyrë direkte rrezikohet siguria e udhëtarëve. Vozitet me një mendim – që nuk ke para, je nervoz andaj ne vendosëm që më mirë mos punojmë sesa mos dhëntë Zoti të shkaktojmë ndonjë ndeshje”, tha Dushko Çakarovski, vozitës makine.

Drejtoi i HM Transport, Lubisha Ristiq në linjë telefonike na tha se ka realizuar takim me zv/kryeministrin Koço Agjushev. Tani për tani po kërkohen para për drejtuesit e trenave nga buxheti ose ndonjë mënyrë tjetër se si të paguhen të punësuarit. Premtimi me gojë i drejtorit, se problemi financiar do të zgjidhet, kësaj here nuk kaloi tek vozitësit e makinave.

“Tani isha poshtë që të bisedoj me ta që ta ndërpresin grevën dhe të fillojnë me punë. Ne në bashkëpunim me qeverinë po bëjmë përpjekje që gjatë kësaj jave të gjejmë zgjidhje për pagesën e pjesës së dytë të pagës së tetorit”, tha Lubisha Ristiq, drejtor i HM Transport.

Sipas informatave, transporti ndërkombëtar hekurudhor nuk është ndërprerë. Sot është nisur treni në relacion Shkup – Selanik.

“Të punësuarit e HM Transport kanë vendosur në një hap të tillë radikal, përkatësisht bllokim të tërësishëm  të trafikut hekurudhor çdoherë kur do tu vonohet paga mujore. Më parë, udhëheqësia e cila vinte nga opozita e tanishme u përball me katër greva të të punësuarve. Arsyet identike: pagës jo e rregullt e pagave por kërkuan edhe përmirësim të kushteve të punës, ndërsa një nga kërkesat ishte edhe rritje e stazhit të privilegjuar”.

Gjendja e keqe financiare në kompaninë shtetërore është problem tashmë disa vite. Gjatë dy viteve të fundit, HM Transport u përball me humbje milionëshe për shkak të bllokadës së emigrantëve në hekurudhën drejt Greqisë. Goditje shtesë ishin edhe protestat e bujqve grek dhe disa ndalesa të trafikut hekurudhor nga ana e të punësuarve për shkak të pagesës së pagave me vonesë.

Përgatiti: Ile Petrevski                          

S'KA KOMENTE

PËRGJIGJU