SHTYHET SEANCA PËR PROP. LIGJIN E GJUHËVE, MUNGOI MINISTRI SALIJI, DEPUTETËT VMRO-së NUK PËRGJIGJEN

712
0
SHPËRNDAJE

Është shtyrë seanca për debatin e propozim ligjit të gjuhëve në lexim të dytë. Kryetari i Komisionit për Çështje Evropiane Artan Grubi, pasi e filloi seancën u detyrua ta anulojë për shkak se nuk erdh ministri dhe zv. ministri i drejtësisë. Ai shtoi se kjo seancë nuk mund të vazhdojë pa pranin e përfaqësueseve të Qeverisë. Afati për shqyrtimin e amendamenteve ecën dhe nëse nuk vazhdon deri të mërkurën atëherë i njëjti skadon. I pyetur se nëse me këtë veprim  merret e drejta deputetëve për amendamentet e propozuara, Grubi u përgjigj se skenar i vetëm të cilin e kanë paraparë, është miratimi i ligjit për përdorimin e  gjuhës shqipe. Komisioni duhej t’i shqyrtojë 90 amendamentet e parashtruara nga partitë politike rreth ndryshimit të tekstit të propozim ligjit. Përndryshe, as sot anëtarët e VMRO-DPMNE-së nuk morën pjesë në seancë. Të kontaktuar nga Tv 21 se a do të marrin pjesë në këtë seancë, deputetët e VMRO-DPMNE-së tashmë për dy ditë nuk japin përgjigje. Nevoja për sjelljen e ligjit për përdorimin e gjuhëve u votua nga ana e deputetëve më 15 nëntor të këtij viti. “Pro” votuan 66 deputetë ndërsa “kundër” 44.

“Me rëndësi është se këtu rendi i ditës u miratua dhe afatet për miratimin e ligjit për përdorimin e gjuhëve, tash kanë filluar në përputhje me rregulloren afatet në komisionin për çështje evropiane janë përcaktuar në tre ditë për debat në lidhje me 90 amendamenteve të propozuara”, tha Artan Grubi, kryetar i komisionit për çështje evropiane.

S'KA KOMENTE

PËRGJIGJU