4 BATANIJE PËR TË KALUAR DIMRIN, TË PASTREHËT MUND TË SISTEMOHEN TEK KRYQI I KUQ

535
0
SHPËRNDAJE

Për çdo rast, Afër vetes çdoherë ka batanijen.

Ky është Enveri nga Shkupi, dhe është i pastrehë.

Ai çdo ditë shtrin dorën dhe kërkon lëmosh nga kalimtarët tek ura e Bit Pazarit.

Enveri thotë se më së vështiri e ka ditëve të dimrit kur temperaturat janë më të ulëta.

“Po kam shumë ftohtë më duhen batanije por nuk më dalin të hollat, ja qytetarët më kanë dhuruar pak të holla që ti mbledh dhe ti blej një palë këpucë. Këtë batanije e kamë ble 500 denarë dhe duhet të blej edhe tre batanije. Me tre batanije mendoj që këtë dimër ta kaloj”, tha Enver Idrizi, i pastrehë.

Strehimorja e kryqit të kuq në lagjen  Momin Potok, nga sot do të punojë me dy ndërrime. Arsyeja e kësaj është që të ofroj strehim personave të pastrehë, ushqim të ngrohtë si dhe kujdes shëndetësor gjatë periudhës së dimrit. Përveç kësaj nga sot hapen edhe tre pika rajonale në Strumicë, Strugë dhe Manastir.

“Pas paralajmërimeve të DPHM, për uljen e temperaturave, u riorganizuam me qëllim që të pastrehët e territorit të Shkupit t’i kenë të gjitha kushtet e nevojshme. Punkti do të punojë 24 orë gjatë tre muajve të ardhshëm”, u shpreh Suzana Tuneva Paunovska, Sekretaresh e Kryqit të Kuq të Qytetit të Shkupit.

Nga kryqi i kuq informojnë që gjatë kësaj periudhe janë angazhuar edhe 40 vullnetarë, të cilët do të patrullojnë rrugët e qytetit gjatë orëve të natës.

Ndërsa për të parë nga afër kushtet e kësaj strehimore ishte edhe kryetari i qytetit të Shkupit Petre Shilegov bashkë me ministren e punës dhe politikës sociale Mila Carevska.

“Qyteti i Shkupit deri tani ka ndarë nga 500 mijë denarë për përkrahjen e këtij punkti. E rritëm këtë shumë për rreth 30 % dhe në buxhetin e paraparë për vitin e ardhshëm parashikuam që kjo përkrahje të jetë më shumë se  700 mijë denarë”, tha Petre Shilegov, Kryetar i qytetit të Shkupit.

“Janë të gatshme edhe qendrat për punë sociale që në bashkëpunim me Kryqin e Kuq, të mundet të parandalojë ngrirjen e të pastrehëve dhe shteti ta ndërmarrë përgjegjësinë, përkatësisht ta marrë punën në duart e tij”, Milla Carevska, Ministre e punës dhe politikës sociale.

Tv21 në janar të këtij viti në këto hapësira sistemoi të pastrehurin Boshko Bllagoja i cili kishte mbetur pa shtëpinë e tij të improvizuar, pasi disa persona ia kishin vënë flakën.

Vitin e kaluar strehimorja e Kryqit të Kuq në Momin Potok u shfrytëzua nga 54 të pastrehë, ndërsa sipas Tunevës, këtë vit është rritur kapaciteti i hapësirave, me çka do të mund të sistemohen 120 të pastrehë.

Përgatiti: Afrim Jonuzi

S'KA KOMENTE

PËRGJIGJU