ME RASTIN E 75 VJETORIT, AKADEMIKU ALAJDIN ABAZI BOTOI DY LIBRA

514
0
SHPËRNDAJE

Në Akademinë e Shkencave dhe Arteve të Maqedonisë u bë promovimi I botimit të librave të akademikut Alajdin Abazi. Librin e parë Abazi e ka emërtuar “Elektromagnetika, materialet elektroteknike, energjia dhe mjedisi” ndërsa libri I dytë titullohet “Arsimi sipëror dhe Universiteti I Evropës Juglindore”. Këto botime janë bërë si shenjë e 75 vjetorit të tij.

Në librin e parë bëhet fjalë për lëmin tekniko-teknologjike dhe për fizikën. Libri i dytë siç nënkuptohet edhe nga vet titulli, flet për Universitetin e Evropës Juglindore, se si të afirmohet në qarqet ndërkombëtare ky universitet.

Alajdin Abazi pohon që është traditë e Akademisë, që pas një moshe të caktuar të botohen monografi të përmbledhjes së punimeve.  Për nga numri, punimet e zgjedhura janë diku 60, dhe shumica janë në revista, ose konferenca.

“Është fjala për punime të zgjedhura, jo të gjitha punimet. Natyrisht që e kanë ndonjë vlerë më të madhe. Nga ana tjetër kjo është edhe një histori e një kariere. Dhe për 75 vjetorin përgatita këto dy libra që dallohen për nga përmbajtja”, u shpreh Alajdin Abazi.

Lidhur me promovimin e librave, fjalime mbajtën kryetari i Akademisë së Shkencave dhe Arteve Taki FIti si dhe zëvendëskryetari I kësaj akademie Luan Starova.

Akademiku Starova foli rreth jetës së Alajdin Abazit, duke cekur se personaliteti I tij është I madh dhe kompleks. Ai tha se librat e botuar kanë peshë të madhe dhe se Abazi e ka gjetur mesin e shkencores dhe historikes.

“Gjithmonë ekziston një baraspeshë, një ekuilibër midis shkencores dhe natyrores, midis shkencores dhe historikes. Vetëm njerëzit e mëdhenj shkencorë mund ta gjejnë këtë baraspeshë e cila është në vet njeriun. Unë mendoj që Abazi e kishte këtë cilësi”, tha Luan Starova.

“Ajo që bie menjëherë në sy është diapazoni i gjerë i shumë çështjeve që lidhen me elektromagnetikën, materialet elektronike, si edhe masat për mbrojtjen e mjedisit, arsimin e të tjera.

Sekretari shkencor i ASHAM, Leonid Gërçev tha se që të kuptohet kjo vepër kaq multidisiplinare e akademik Abazit, duhet të hedhim një vështrim mbi karrierën e pasur të tij”

Përgatiti: Almedina Ismajli

S'KA KOMENTE

PËRGJIGJU