PROTESTA TË MIJËRA RUMUNËVE NË 10 QYTETE PËR SHKAK TË NDRYSHIMIT TË LIGJIT PËR TATIMET

465
0
SHPËRNDAJE

Mijëra rumunë morën pjesë mbrëmë në protestat antiqeveritare në 10 qytete duke i kundërshtuar ndryshimet e reja ligjore për të cilat vlerësojnë se do të shkaktojnë zvogëlim të pagave.

Protestuesit në Bukuresht brohorisnin “dorëheqje” dhe mbanin flamuj rumunë.

Qeveria rumune më 8 nëntor me dekret miratoi masë me të cilën shpenzimet për pagesën e kontributit për sigurim social transferohen tek punëtorët që deri më tani ishte obligim i punëdhënësit. Pas masave të miratuara, vlera e valutës kombëtare u zvogëlua në nivelin më të ulët prej vitit 2012.

Presidenti Klaus Johanis, sindikatat, shoqatat e investitorëve dhe qytetarët i kundërshtojnë ndryshimet të cilat do të ndikojnë në zvogëlimin e pagave.

Ministri i Financave Jonut Misa thekson se edhe kompanitë edhe të punësuarit do të kenë dobi nga dekreti i ri. Me këtë masë, Rumania u bë anëtarja e vetme e BE-së e cila gjithë barrën e kontributeve sociale ua hodhi të punësuarve.

S'KA KOMENTE

PËRGJIGJU