PËRGJIMET, SKANDALI “SAIMIRI”, PROKURORIA KËRKON HEQJEN E IMUNITETIT PËR TAHIRIN

471
0
SHPËRNDAJE

Tronditen themelet e shtetit shqiptar, pas përmendjes së emrit të ish-ministrit të brendshëm Saimir Tahiri, në përgjimet e disa trafikantëve. Media italiane ka publikuar sot disa përgjime, ku dy trafikantë, deklaronin se Tahiri u kishte kërkuar shuma të mëdha parash. Prokuroria për Krime të Rënda kërkon nga Komisioni i Mandateve në Kuvendin e Shqipërisë dhënien e autorizimit për “arrestimin, heqjen e lirisë dhe kontrollin personal e të banesës” për deputetin Saimir Tahiri.

“Prokuroria për Krime të Rënda kërkon nga Kuvendi i Shqipërisë autorizimin për heqjen e imunitetit të deputetit Saimir Tahiri, në vijim të një hetimi të nisur për veprat penale të “Trafikut të narkotikëve”, kryer në bashkëpunim, në formën e posaçme të grupit të strukturuar kriminal dhe “Korrupsionit pasiv të zyrtarë të lartë shtetërore dhe të zgjedhurve vendorë”, parashikuara nga nenet 283/a/2 dhe 260 të Kodit Penal”, nga Prokuroria e Shqipërisë.

Vazhdimisht opozita e ka akuzuar Tahirin për lidhje me vëllezërzit Habilaj, të cilët i ka edhe kushërinj të largët, ndërsa sot këto akuza janë faktuar në dosjen penale.

Vetë Tahiri ka dalë në një konferencë të jashtëzakonshme për shtyp ku pra pranuar se Habilajt I ka kushërinj të largët, por se nuk është I implikuar në trafik.

“Dy kriminelë, që janë kushërinjtë e mi të shkallës së dhjetë, janë arrestuar për drogë dhe kanë përmendur emrin tim. Të hetohet dhe të verifikohet gjithë çka lidhur me mua e jo vetëm për punën time me familjen time dhe jo vetëm”, u shpreh Saimir Tahiri, ish ministër i MPB-së së Shqipërisë.

Më herët kryeministri Rama ka kërkuar zbardhje të së vërtetës, ndërsa Lulzim Basha I Partisë Demokratike ka akuzuar gjithë kupolën e shtetit të implikuar në trafikun ndërkombëtar të drogës.

Përgatiti: Zimer Jashari

S'KA KOMENTE

PËRGJIGJU