QEVERIA PUNËSON 466 PERSONA, DO TË PUNOJNË 4 ORË NË DITË, PAGA €100

303
0
SHPËRNDAJE

466 persona janë angazhuar në 39 komuna për kryerjen e punëve të dobishme komunale. Kjo masë është pjesë e planit operativ për punësim të Qeverisë. Bëhet fjalë për mbi 100 shërbime sociale, mes të cilave edhe përkujdesja për persona të moshuar, mbështetja e personave me pengesa në zhvillim, asistentë në procesin arsimor. Personat e angazhuar do të punojnë 4 orë në ditë ndërsa për këtë do të paguhen 100 euro në muaj. Gjashtë muajt e parë shpenzimet do të mbulohen nga ana e shtetit, e më pas komunat do të vendosin a do ta vazhdojnë kontratën për punësim.

“Nuk mendoj se duhet të shikojmë nga prizma e parave. Nëse ka të holla, këto janë sisteme të qëndrueshme. Për shkak se në komuna ka persona të cilët mund të paguajnë nëse e fitojnë shërbimin por nuk kanë qasje. Por ka edhe persona të cilët nuk mund të paguajnë. Kështu që, këtu bëhet ajo baraspesha në komuna, tek një pjesë do të paguhet shërbimi, por duhet të menaxhohet dhe vendoset  sistemi në nivel lokal”, u shpreh Milla Carovska, Ministre për Punë dhe Politikë Sociale.

Me këtë program promovohet edhe barazia gjinore për shkak se pjesa më e madhe e personave të angazhuar në këtë projekt janë femra, thotë Luiza Vinton nga UNDP-ja të cilët janë financues të fillimit të programit.

“75 deri në 80 % e personave të angazhuar në këtë masë janë gra, por edhe se me shërbimet sociale do të lehtësohet puna e grave në shtëpi, e cila,  në pjesë të madhe bie në barë të tyre”, tha Luiza Viton, nga UNDP.

Drejtoresha e Agjencisë për punësim, Biljana Jovanovska, nuk e di se sa persona kërkojnë punë të tillë, edhe pse paraprakisht deklaruan se kanë bërë analizë për qëndrueshmërinë e projektit. Me masën, është planifikuar të përfshihen, gjegjësisht, nevojat që shërbimet sociale t’i marrin rreth 8.000 persona në këto 39 komuna.

G: “Sa është numri i personave të papunësuar të cilët janë të regjistruar në agjenci, të cilët mund të punojnë këtë lloj të punës?”

B.J:”E keni fjalën për evidentimin e personave të papunë?”

G: Po.

“Nuk mund të them me siguri”, tha Biljana Jovanovska, Drejtoreshë e Agjencisë për Punësim.

Për gjashtë muajt e parë shteti do të sigurojë diçka mbi 300 mijë euro, ndërsa mjete shtesë do të ketë edhe nga UNDP-ja. Është problematike ajo që në këtë fushatë zgjedhore shumë nga kandidatët akuzojnë se arka komunale është e zbrazur, ose se komuna është e zhytur në borxhe. Problem tjetër është edhe teprica e të punësuarve në vetëqeverisjen lokale, me çka ekziston dilema se a do të pushohen nga puna këta 500 persona të angazhuar pas periudhës që e subvencionon Qeveria.

Përgatiti: Ile Petrevski

S'KA KOMENTE

PËRGJIGJU