Asociacioni bankar i Maqedonisë në suaza të shënimit të Ditëve të shkrim-leximit financiar dhuron laptopë për studentët dhe nxënësit të cilët nuk kanë mundësi të blejnë pajisje për ndjekje të mësimit onlajn me qëllim që t’u mundësojë në kohë ta ndjekin mësimin, dhe t’i japin provimet.
“Shkrim-leximi financiar është një nga parakushtet për jetë cilësore, planifikim të rehatshëm të shpenzimeve të jetës dhe sistemim të të ardhurave për çdo individ. Ne, në Asociacionin bankar të Maqedonisë veçanërisht vëmendje kushtojmë në shkrim-leximin financiar të klientëve të anëtareve tona, bankat dhe kursimoret, dhe investojmë resurse për përmirësimin e saj, duke filluar nga mosha e hershme e fëmijëve. Për atë vendosëm të dhurojmë 10 laptopë për studentët dhe nxënësit të cilët nuk kanë mundësi vetë të blejnë pajisje për ndjekje të mësimit onlajn me qëllim që t’u mundësohet në kohë ta ndjekin mësimin, dhe t’i japin provimet”, citojnë nga Asociacioni bankar i Maqedonisë.
Me donacion nga ABM, qasja deri te njohuritë bëhet e arritshme edhe për ato të cilët nuk ishin në mundësi të sigurojnë kompjuter, ndërsa deri para pandemisë me sukses i kanë plotësuar të gjitha obligimet në arsim.