JA CILËT JANË DEPUTETËT E RINJ PASI QË DISA KALUAN NË QEVERI TË KOSOVËS

708
0
SHPËRNDAJE

Deputetët në momentin që bëhen ministra, zëvendësohen nga koleget e tyre

Deputetët e koalicionit qeverisës të cilat tanimë janë betuar si ministra të Qeverisë së Kosovës, do t’ia lirojnë vendin kolegëve nga partitë e tyre, përveç, Ramush Haradinajt që ia liron vendin një kandidatit të PDK-së dhe Behgjet Pacollit, i cili ia liron vendin një kandidati të LDK-së.

Duke marrë parasysh që deputetët në momentin që bëhen ministra, zëvendësohen nga koleget e tyre brenda koalicionit, në bazë të renditjes së votave, del që kryeministrin Haradinaj do ta zëvendësojë Nait Hasani nga PDK me 9578, pastaj në vend të Enver Hoxhajt do të vije Fadil Bekma nga PDK me 9234 vota.

Kurse, Fatmir Limajn do ta zëvendësojë kolegu i tij nga Nisma për Kosovën, Enver Hoti me 9182 vota.

Në vend të Pal Lekajt, deputet do të bëhet Gani Dreshaj i AAK-së me 9180 vota. Kurse, në vend të Rrustem Berishës, deputet do të bëhet Bekë Berisha nga AAK me 9100 vota.

Në vend të Behxhet Pacollit,  do të bëhet deputeti Imet Rrahmani nga LDK me 7272 vota.

S'KA KOMENTE

PËRGJIGJU