“NËNË TEREZA” ENDE PA LABORATORË, MASH NDAU RRETH 5 MILIONË DENARË PËR UNIVERSITETIN E RI

84
0
SHPËRNDAJE

Disa studentë, vitin e kaluar ligjëratat i ndoqën në hapësirat e Lidhjes së Sindikatave të Maqedonisë, të tjerë ndërkaq në shkollën fillore në Çair. Pa laboratorë dhe pa hapësira adekuate, kështu tanimë një vit funksionon Universiteti “Nënë Tereza” në Shkup, në të cilin, vitin e kaluar u regjistruan 250 studentë. Rektori Aziz Pollozhani edhe tani premton se së shpejti do të hapen laboratorë për fakultetet e shkencave teknike.

Kur universiteti “Nënë Tereza” filloi me punë, dëgjoheshin edhe premtime se për studentët do të ndërtohen një kamp tek ish kazerma Ilinden, por deri tani nuk është realizuar asgjë. Rektori Aziz Pollozhani thotë se sot, bashkë me zëvendësministrin për arsim, e dakorduan buxhetin që do të ndahet për këtë universitet në vlerë prej rreth 5 milionë denarësh.

Përndryshe, sot u bë hapja e inforqendrës ku studentët mund t’i dorëzojnë dokumentet për t’u regjistruar në vitin e ardhshëm akademik. Në vitin e parë, vende të lira për regjistrim do të ketë për 1580 studentë, për të gjitha programet studimore të pesë fakulteteve: fakultetit të shkencave informatike, të teknologjisë, të shkencave teknike, fakultetit të ndërtimtarisë dhe arkitekturës dhe të shkencave sociale. Mësimi në këtë universitet zhvillohet në gjuhën shqipe, maqedonase dhe angleze.

Përgatiti: Arbana Qerimi

S'KA KOMENTE

PËRGJIGJU