NGA SHTATORI, PAGA MINIMALE 12 MIJË DENARË, NË VITIN E PARË, PAGA MINIMALE DO TË SUBVENCIONOHET NGA QEVERIA

1148
0
SHPËRNDAJE

Nga shtatori i këtij viti, paga minimale në Maqedoni do të jetë 12 mijë denarë në të gjitha industritë, deklaroi ministri i financave Dragan Tevdovski. Ai thotë se qeveria ka siguruar para të mjaftueshme për subvencionimin e kompanive. Në 6 muajt e parë, shteti do të ndajë 1.5 milionë euro në muaj për firmat private, ndërsa nga muaji mars i vitit 2018 deri në shtator të po të njëjtit vit, mbështetja financiare do të jetë 750 mijë euro me qëllim që kompanitë t’u adaptohen rregullave të reja.  Këto para janë planifikuar me rebalancin e buxhetit. 

“Është e sigurt se benefiti do të jetë i dyanshëm. Në një anë, qytetarët do të kenë paga më të larta, ndërsa në anën tjetër, me pagesën e pagës bruto, do të mbushen edhe fondet”, u shpreh Dragan Tevdovski, Ministër i Financave.

Tevdovski sot u takua me punëdhënësit të cilën kanë frikë nga ulja e produktivitetit të kompanive. Megjithatë, ata thonë se këtë nuk do ta ndjejnë si një ngarkim të lartë të gjendjes financiare. Tevdovski realizoi takime edhe me përfaqësuesit e odave ekonomike.

“Të mos ketë trajtim të njëjtë që do të ndikonte negativisht në motivimin e punëtorëve të mirë, sepse, nëse një punëtor i mirë realizon normë prej 12 mijë denarësh, por paguhet njësoj si ai që realizon 10 mijë denarë, atëherë kjo do të ndikonte në rënien e produktivitetit të kompanive, gjë që askush nga ne nuk e dëshiron”, tha Angell Dimitrov, Kryetar i Organizatës së Punëdhënësve.

Kryetari i Odës Ekonomike të Maqedonisë Veriperëndimore Nebi Hoxha shprehet se të punësuarit në sektorin privat, një kohë të gjatë presin që të ketë rritje të pagave. Ai shton se, me rritjen e pagave do të rritej edhe fuqia blerëse e qytetarëve si dhe standardi i  tyre.

Të dhënat tregojnë se në vend, pagë minimale mujore marrin rreth 130 mijë të punësuar.   Risi do të jetë fakti se tani kontrollin do ta bëjë Drejtoria e të Hyrave Publike. Përndryshe, të punësuarit në industrinë e lëkurës dhe të tekstilit, me vite të tëra merrnin pagë më të ulët krahasuar me të punësuarit në industritë e tjera.

Përgatiti: Ile Petrevski

S'KA KOMENTE

PËRGJIGJU