EUROBONDI NËN PIKËPYETJE, PËRGATITET REBALANC- DO TË NDËRPRITET LUKSI I FUNKSIONARËVE

983
0
SHPËRNDAJE

Në ministrinë e financave po punohet me ritëm të përshpejtuar për rebalancim të buxhetit, vërtetoi ministri i financave Dragan Tevdovski. Një numër i madh ekspertësh punojnë jashtë orarit të punës vetëm me qëllim që të fitohet pamje e sigurt mbi situatën financiare e cila është kyçe në procesin e reformave, thotë Tevdovski. Ai shtoi se do të shkurtohet financimi aty ku vërehet se të hollat shpenzohen për komoditet dhe jo aty ku është e nevojshme.

“Do të bëjmë gjithçka që është nën kompetencat tona që të kemi një buxhet i cili do të jetë më pragmatik duke i pasur parasysh obligimet e akumuluara për vite me radhë, dhe gjithashtu për t’ju dhënë mundësi prioriteteve tona reformuese”, tha Dragan Tevdovski, Ministër i financave.

Tevdovski i përmendi edhe borxhet. Nevojitet financim i buxhetit i cili u caktua nga ana e qeverisë së kaluar, me huamarrje të huaja dhe vendore tha ministri. Për momentin po bëhen analiza me qëllim që të mundësohet një normë interesi sa më e vogël për huamarrjet e radhës, pasi që për to paguajnë qytetarët- thotë Tevdovski. Nga tregjet e huaja ka pasur sinjale pozitive serioze në lidhje me ndryshimin e qeverisë, këtë Tevdovski e shpjegon me uljen e çmimit të një euroberze e cila është më e lirë në krahasim me atë që paguhej në të kaluarën.

“Ne po i shqyrtojmë mundësitë, është e mundur që të vlerësojmë dhe të mos lëshojmë eurobond, kështu që ne i shqyrtojmë se cilat janë mundësitë për financim në aspekt të të mirës së qytetarëve. Domethënë ata të paguajnë çmim më të ulët”, tha Dragan Tevdovski, Ministër i financave.

Sipas VMRO-DPMNE-së, arsyeja kryesore se pse qytetarët tani paguajnë eurobond më të lartë për 20 milion euro është politika antishtetërore të cilën e promovonte LSDM gjatë kampanjës së tyre. Prej atje shtojnë se kriza në vend është rezultat i LSDM-së.

 

“Duke iu falënderuar letrave të cilat ata si parti ua dërgonin investitorëve dhe u bënin thirrje që mos ta blejnë eurobondin i kushtoi populli maqedonas  20 milion euro. Ky ishte terrorizëm financiar kundër shtetit. Tani hipokrizia e SDS e arriti kulmin. Tani ata në mënyrë hipokrite thotë se tani pasi që është përmirësuar situata politikë është ulur edhe kamata”, thonë nga VMRO-DPMNE.

Ministri i financave tha se në periudhën e fundit me ritëm të përshpejtuar është bërë kthimi i TVSH-së me qëllim që të përmirësohet likuiditeti i kompanive. Tevdovski këto informata i ndau duke iu përgjigjur pyetjeve të gazetarëve para nënshkrimit të marrëveshjes për grante nga IPA programi për zhvillim rural.

Përgatiti : Ile Petrevski

S'KA KOMENTE

PËRGJIGJU