Paraqiten donatorë për të blerë ilaçin e Florës, nuk duan të presin procedurat e institucioneve shëndetësore

TË FUNDIT

Nuk dihet se deri ku është analiza mbi efikasitetin e ilaçit për 20 vjeçaren Flora Gashi, që vuan nga Fibroza cistike. Nga Fondi për sigurim shëndetësor thonë se nuk mund të përcaktohet periudha se kur mund të dihet se a do ta blejnë barin Ivacaftor, për sëmundjen e rrallë të Florës.


Ndërkaq pas kronikës së TV21 janë paraqitur shumë persona të cilët me vetëfinancim duan ta ndihmojnë vajzën, e cila një pjesë të jetës po e kalon nëpër spitale.
Ndonëse ilaçi është tejet i kushtueshëm dhe kap shifrën prej 400 $ për një tablet, një nga donatorët anonim është i gatshëm që ta blejë ilaçin, deri sa institucionet shëndetësore të përfundojnë procedurat e duhura.

Përndryshe nga Klinika për sëmundje të fëmijëve, ku është e shtrirë pacientja, na treguan rreth gjendjes së saj shëndetësore dhe se si do të ndikojë bari Ivacaftor te ajo.

“Gjendja e përgjithshme e pacientes është përmirësuar dhe është planifikuar të lëshohet për trajtim në shtëpi në ditët në vijim.
Ai ilaç përmirëson funksionin e kanalit të klorit i cili është jofunksional te fëmijët me Fibrozë cistike, tek ata fëmijë me atë mutacion, siguron funksion më të mirë endokrin. Kështu sekrecionet në mushkëri janë më pak të dendura dhe lehtësojnë ndjeshëm simptomat e sëmundjes. Kjo ngadalëson përparimin e sëmundjes duke përmirësuar funksionin e mushkërive, statusin ushqyes dhe cilësinë e jetës së pacientëve. Efekti është i shpejtë dhe i qëndrueshëm”, thonë nga Klinika për Sëmundje të Fëmijëve.

Flora Gashi që kur ka qenë foshnjë tre muajshe vuan nga një sëmundje e rëndë të quajtur Cystic Fibrosis, e cila ia ka vështirësuar jetesën dhe përditshmërinë. Ajo tani jeton me frymëmarrje 19% .Ka një medikament i cilat mund ta kurojë këtë sëmundje, i cili nuk gjenden në Maqedoninë e Veriut, por në Eropë, i quajtur Kalydeco ivacaftor. Flora kërkon që shteti t’ia sigurojë këtë ilaçë për të pasur një jetë normale si bashkëmoshataret e saj.