Жител на Жеровјане лажел дека е грабнат поради долгови

361
0
АКЦИЈА

Жител на тетовското село Жеровјане поради финансиски долгови исценирал случај на грабнување. Секторот за внатрешни работи Тетово целосно го расчисти случајот со пријавеното грабнување на 52-годишниот А.А. од  Жеровјане, кој бил пронајден во Гостивар, а потоа повикан во тетовската полиција.

– Во разговорот со него утврдено е дека тој целосно го измислил случајот со грабнувањето поради тоа што бил соочен со повеќе финансиски проблеми, соопшти МВР.

Исчезнувањето на А.А. било пријавено во Полициска станица Жеровјане на осми овој месец во 15 часот. Потоа на телефонот на зетот на А.А., Н.Б. (33) од тетовското село Боговиње му пристигнале смс пораки дека исчезнатиот со неговото возило бил задржан од непознати лица и оти ќе биде пуштен откако ќе се даде одредена сума на пари. Н.Б. вчера околу 18 часот во Полициската станица Тетово го пријавил случајот како грабнување.

НЕМА КОМЕНТАРИ

ОСТАВЕТЕ ОДГОВОР